3 Brüedere | 3 Stimme | 1 Lideschaft
Mir sind Konradsons.
Michael, Christian und Thomas - drü Brüedere, wo ihri Lideschaft zu dä Musig teilet. Mit Gitarre, Bass, Schwyzerörgeli und üsere Stimmbänder schaffet mer än unvergesslichä Konradsons-Sound, wo i kei Schublade passt. Mir spielet, was üs gfallt, und so chunnts, dass Lieder vom Johnny Cash, Gotthard, ZAZ, Polo Hofer oder dä Rusch Büeblä us dä gliche Boxe ertönet.
Es git nüt, was üs me Freud macht, als s'Publikum mitzrissä und gemeinsam unvergässlichi Moment z'erläbe. Chum üs live go luegä und bis däbi, wenn mir d'Musig zum Lebä erwecket!
Michael
Bass und Gsang
Hoi zäme! Ich bin de Michael und spiele Bassgitarre! Nöd nume mit dere 4-saitige "Höfner" sorg ich für di tüfe und füllende Tön, au mit minere Stimm mach ich de Konradsons-Sound zu dem, was er isch. Öb mit Leadgsang, e zweiti oder sogar dritti Stimm - ich fühl mi überall wohl und singe mit Lieb und Seel!
Bim Probe oder au a de Uftritt sorg ich mit lustige Sprüch und mim Humor immer wieder für gueti Luune und herzhafti Lacher.
Bis bald amene Konradsons-Konzert!
Christian
Gitarrä, Banjo, Bluesharp und Gsang
Salü zäme! Ich bi dä Christian! D'Musig begleität mi scho sit vilä Johrä und sorgt i mim Läbe für än wunderschönä Uusglich. Mit dä beidä Brüederä chönä z'musigä isch eifach ä riesä Freud! Bi Konradsons understützi mit Gittarä, Banjo und Bluesharp s'ufgstellt Trio...und singä natürli fürs Läbä gärä i üsnä drüstimmigä Chörli oder di villsitigä, mehrsprochigä Text!
Mini musikalische Vorbilder wächslet immer wieder, und Lieblingslieder hani fasch all Tag ä neus :-) Ich freu mi, di bald amnä Konzert vo üs aztreffä!
Thomas
Schwyzerörgeli, Gitarre, Kontrabass, Cajon
Ciao zäme! Ich bin dä Thomas und de jüngst im Bunde vo de Konradsons. Ich fühl mi dehei i de Ländlermusig und spille Schwyzerörgeli. Mini Faszination isch d'Musig! Ich liebe s'usprobiere vo verschiedene Instrument und spille drum bi de Konradsons ab und zue au Gitarre, Kontrabass, Cajon oder Muulörgeli. Natürlich due au ich für s'Läbe gern singe und ergänze üsers Chörli so wies grad passt.
Zu mine musikalische Vorbilder ghört de Frowin Neff, d'Rusch Büeblä und de Daniel Thürler. Bis bald!
Uftritt:
Hörprob:
